ប្រភពៈ ខេមបូរីផត
កាលពីល្ងាចមិញនៅក្នុងកំឡុងពេលដែល Samsung
បានធ្វើការដាក់បង្ហាញផលិតផលថ្មីនោះ
យើងសង្កេតឃើញមានវត្តមានរបស់ឧបករណ៍ថ្មីៗ និងទំនើបៗជាច្រើន
ដែលមានដូចជា Samsung Galaxy Note 4, Galaxy Note Edge និង Galaxy Gear
VR។ Gear VR គឺជាឧបករណ៍ប្រភេទថ្មីមួយទៀតរបស់ Samsung
ដែលក្រុមហ៊ុនបានសហការណ៍ផលិតជាមួយក្រុមហ៊ុន Oculus
ហើយនេះគឺជាការប្រកាសនូវសង្គ្រាមជាមួយ Sony និង Facebook ហើយ
ព្រោះក្រុមហ៊ុនទាំងនេះក៏មានឧបករណ៍ស្រដៀងគ្នានេះដែរ។
ឧបករណ៍នេះ ប្រៀបបានទៅនឹងវ៉ែនតាទំនើបមួយអញ្ជឹង ដែលវានឹងនាំភ្នែកយើងទៅកាន់ពិភពអស្ចារ្យមួយទៀតដូចពិតជាក់ ស្តែងអញ្ជឹង។ ដើម្បីប្រើប្រាស់ឧបករណ៍នេះបាន យើងត្រូវបំពាក់ Galaxy Note 4 ទៅក្នុងឧបករណ៍នេះសិន ដើម្បីបង្ហាញរូបភាពផ្សេងៗទៅកាន់អ្នកប្រើប្រាស់។ Galaxy Note 4 មានអេក្រង់ទំហំ 5.7 អ៊ីញប្រភេទ Super AMOLED មានកម្រិតភាពច្បាស់ខ្ពស់ដល់ទៅ QHD (2560x1440) ភិចសែលឯណោះ ដែលវាអាចអោយអ្នកទស្សនារូបភាពបានពេញភ្នែកក្នុងកម្រិតមុំ 96 ឌឺក្រេ និងផុសឡើងដូច 3D អញ្ចឹង។
នៅពេលដែលយើងដាក់បញ្ចូល Note 4 ទៅក្នុងឧបករណ៍នេះ
អ្នកនឹងឃើញមានផ្ទាំងមឺនុយកម្មវិធី និងហ្គេមជាច្រើន។
កម្មវិធីមួយចំនួនអនុញ្ញត្តិអោយយើងចូលទៅកាន់ពិភពមួយផ្សេងទៀត
និងទស្សនានូវទិដ្ឋភាពជុំវិញខ្លួនយើង 360 ឌឺក្រេតែម្តង។
ឧទាហរណ៍ថាអ្នកនៅក្នុងមហោស្រព
ហើយយើងអាចទស្សនាទិដ្ឋភាពបានដោយគ្រាន់តែងាកឆ្វេងស្តាំ
និងទៅក្រោយប៉ុណ្ណោះ។ Gear VR ក៏មានភ្ជាប់មកជាមួយហ្គេម 3D
មួយចំនួនផងដែរ
ដែលយើងអាចបញ្ជាបានតាមរយៈទ្រនាប់បញ្ជាដែលស្ថិតនៅខាងស្តាំនៃ
ឧបករណ៍នេះ។
នាពេលបច្ចុប្បន្ននេះ Gear VR មានហ្គេមនិងកម្មវិធីមួយចំនួនដែលអាចអោយយើងរីករាយក្នុងការប្រើ ប្រាស់រួចហើយ ប៉ុន្តែ Samsung នឹងបន្តសហការណ៍ជាមួយ Studio ក៏ដូចជាក្រុមហ៊ុនជាច្រើនទៀត ដើម្បីបង្កើតហ្គេម និងកម្មវិធីពិសេសៗបន្ថែម។ ការឈានជើងចូលបង្កើតឧបករណ៍ដ៏ទំនើបនេះ ធ្វើអោយអតិថិជនជាច្រើនមានភាពភ្ញាក់ផ្អើលជាខ្លាំង ព្រោះអីវាលើសពីអ្វីដែលយើងរំពឹងទុកទៅទៀត។ គូសបញ្ជាក់ផងដែរថា ឧបករណ៍នេះអាចប្រើប្រាស់បានតែជាមួយ Galaxy Note 4 តែប៉ុណ្ណោះ ហើយវានឹងមានលក់ជាផ្លូវការនៅចុងខែកញ្ញាខាងមុខនេះហើយ ជាមួយនឹងតម្លៃនៅអាថ៌កំបាំងនៅឡើយទេ។
តើប្រិយមិត្តមានចំណាប់អារម្មណ៍យ៉ាងណាដែរ
ចំពោះឧបករណ៍ដ៏ទំនើប និងអស្ចារ្យមួយនេះ? នៅក្នុងឆ្នាំនេះ Samsung
បាននាំយកបច្ចេកវិទ្យាក្នុងក្តីសុបិន្តជាច្រើនមកអោយពិភពលោកបាន
ឃើញនិងប្រើប្រាស់ ដែលមានទាំងនាឡិកាអេក្រង់កោង
ទូរស័ព្ទអេក្រង់កោងនៅខាងគែម
ស្មាតហ្វូនដែលមានលក្ខណៈសម្បត្តិល្អលើលោក
និងឧបករណ៍នាំយកភ្នែកមនុស្សទៅកាន់ពិភពផ្សេងមួយទៀតជាដើម។
No comments:
Post a Comment