ប្រភពៈ ខេមបូរីផត
មានពត៌មានមិនតិចនោះទេបានចេញផ្សាយជុំវិញនឹងការប្រកាសប្រព័ន្ធ
ប្រតិបត្តិការជំនាន់ថ្មីរបស់ Microsoft គឺ Windows 9
ដែលរំពឹងទុកថានឹងបើកចេញអោយប្រើប្រាស់នៅឆ្នាំ 2015 ខាងមុខ
ក្នុងនោះមានពត៌មានខ្លះទៀតចេញផ្សាយទៀតថានឹងត្រៀមចេញនៅដើម
ឬចុងខែតុលាឆ្នាំ 2014 នេះ។
យ៉ាងណាមិញសម្រាប់ដំណឹងរាយការណ៍មកថ្មី
និងចុងក្រោយគេបង្អស់របស់គេហទំព័រ RedMondPie រួមនឹង The Verge
បានប្រាប់អោយដឹងថា Microsoft
ត្រៀមនឹងសម្ភោធប្រព័ន្ធប្រតិបត្តិការកុំព្យូទ័រជំនាន់ថ្មី Windows 9
ថ្ងៃទី 30 ខែ កញ្ញាឆ្នាំ 2014 ឆាប់ៗខាងមុខនេះ ដែលវាមានកូដឈ្មោះ
THRESHOLD
តែវាមិនមែនជាជំនាន់សម្រាប់អោយយើងទាំងអស់គ្នាប្រើប្រាស់នោះទេ
ផ្ទុយទៅវិញគឺវាជាជំនាន់ Developer
សម្រាប់អ្នកសរសេរកូដកម្មវិធីប្រើប្រាស់ប៉ុណ្ណោះ
តែបើអ្នកចង់សាកល្បងប្រើប្រាស់ក៏បាន។
ជុំវិញនឹងការប្រកាសចេញ Windows 9 Developer Edition នេះផងដែរ
វានឹងបង្ហាញផ្លូវក៏ដូចជាតម្រង់ទិសដល់ក្រុមអ្នកផលិតកម្មវិធី
ឬហ្គេមទាំងអស់អោយយល់ដឹងអំពីបច្ចេកវិទ្យាថ្មីៗដែលមាននៅលើ
Windows 9 ពិសេសគឺ Interface
ប្រើប្រាស់កាន់តែស្រស់ស្អាតជាមួយប៊ូតុង Start Menu តូចមួយ និង
Removable Charms bar ដែលសុទ្ធសឹងជា Features
ថ្មីសម្រាប់ប្រកួតប្រជែងនឹងប្រព័ន្ធប្រតិបត្តិការថ្មីៗទៀតពិសេស
គឺ
Mac OS X Yosemite
របស់ Apple តែម្ដង។ ជាងនេះទៅទៀតនៅថ្ងៃប្រកាសចេញ Windows 9
ដំបូងគេនោះ Microsoft
ក៏ប្រហែលជានឹងប្រកាសចេញជំនាន់ថ្មីរបស់មុខងារ Cortana
ដែលមានសមត្ថភាពកាន់តែខ្លាំងជាងមុន
រួមនឹងការចេញប្រកាសអំពីគម្រោងក្នុងការរួមបញ្ចូលប្រព័ន្ធ
ប្រតិបត្តិការ Windows Phone រួមគ្នានឹង Windows RT
ដែលយើងអាចនឹងដឹងអំពីគម្រោងនេះកាន់តែច្បាស់នៅក្នុងព្រឹត្តិ
ការណ៍ធំមួយនោះពី Microsoft។
សរុបសេចក្ដីមកសម្រាប់ប្រិយមិត្តដែលកំពុងប្រើប្រាស់កុំព្យូទ័រដំណើរការ
ដោយ Windows មិនថាជំនាន់ចាស់ ឬថ្មី ហើយចង់សាកល្បងប្រើប្រាស់
Windows 9
អ្នកប្រហែលជានឹងមានឱកាសច្រើនក្នុងការតម្លើងវាលើម៉ាស៊ីនហើយ
ប្រើប្រាស់ក្នុងពេលដ៏ខ្លីខាងមុខ។
តែត្រូវចងចាំថាវាគឺជាជំនាន់ដំបូងប៉ុណ្ណោះ
សម្រាប់ក្រុមអ្នកសរសេរកូដ
ដូច្នេះប្រាកដជាមានមុខងារខ្លះមិនទាន់ដំណើរការបានស្រួលល្អឥត
ខ្ចោះទាំងស្រុងនោះទេ លុះត្រាតែ Windows 9 ចេញជំនាន់ Starter,
Professional ឬ Enterprise ជាដើម។
No comments:
Post a Comment