សួស្ដីទៅដល់ប្រជាជនកម្ពុជាទាំងក្នុង និងក្រៅប្រទេសទាំងអស់នៅរាត្រីយប់នេះវេលាម៉ោង 12 យប់ថ្ងៃទី 9 ឈានចូលទៅថ្ងៃទី 10 ក្រុមហ៊ុនបច្ចេកវិទ្យា Apple នឹងមានព្រឹត្តិការណ៍យ៉ាងអស្ចារ្យមួយប្រចាំឆ្នាំ ហើយយើងទាំងអស់គ្នាបានដឹងរួចទៅហើយថានឹងមានអ្វីកើតឡើង។ មានមនុស្សមិនតិចនោះទេបានកំពុងរង់ចាំកម្មវិធីដ៏វិសេសនោះ ដោយសារតែវាគឺជាការផ្លាស់ប្ដូរដ៏ធំមួយប្រចាំឆ្នាំជុំវិញ ផលិតផលថ្មីៗ ដែល Apple បានផលិតឡើងសម្រាប់បំរើទៅដល់សេចក្ដីត្រូវការអ្នកប្រើប្រាស់ពាស ពេញពិភពលោក ស្ថិតនៅក្រោមការគ្រប់គ្រងដោយលោកអគ្គនាយក Tim Cook ដែលបានកាន់កាប់ក្រុមហ៊ុន Apple បន្ទាប់ពីលោក Steve Job ដែលបានលាចាកលោកទៅ។ ដូច្នេះតើអ្នកទាំងអស់គ្នាមានគំនិត និងរំពឹងទុកអ្វីខ្លះពី Apple នារាត្រីយប់នេះ? តើ Apple នឹងពាំនាំយកអ្វីដែលប្លែក និងអស្ចារ្យដើម្បីប្រកួតប្រជែងនឹងក្រុមហ៊ុនធំៗជាច្រើនទៀតក្នុង សកលលោក? Cambo Report មានចំលើយសម្រាប់អ្នក។
១. IPhone 6
នៅស្រុកខ្មែរនរណាក៏ស្គាល់ទូរស័ព្ទម៉ាក iPhone ដែរ
ដែលវាពិតជាមានទីផ្សារខ្ពស់ខ្លាំងជាងស្មាតហ្វូនរបស់ក្រុមហ៊ុនដទៃ
ហេតុអ្វីបានជាយើងហ៊ាននិយាយបែបនេះ? អ្នកអាចមើលទៅលើតម្លៃរបស់
iPhone ហើយធ្វើការប្រៀបធៀបនឹងស្មាតហ្វូនរបស់ក្រុមហ៊ុនដទៃថា
មួយណាធ្លាក់ថ្លៃលឿនជាងគេ? ម្យ៉ាងវិញទៀតសូម្បីតែតម្លៃ iPhone
មួយទឹកក៏មិនថោកដូចការគិតរបស់យើងដែរ បើទោះបីជា iPhone
នោះជាប់ Lock ឬ ប្រើប្រាស់ទ្រនាប់ស៊ីម
ក៏វានៅមានតម្លៃថ្លៃជាងស្មាតហ្វូនធម្មតាទៀតផង
ហើយនៅតែមានអ្នកប្រើប្រាស់ច្រើនគួរអោយកត់សំគាល់។
សម្រាប់យប់នេះ អ្វីដែលយើងរំពឹងទុកពី Apple គឺ iPhone 6
តែម្ដង ដែលវានឹងមានទំហំអេក្រង់ 4.7 អ៊ីញធំជាងមុន
បង្ហាញរូបភាពក្នុងកម្រិតរូបភាព 1334 x 750p មានដង់ស៊ីតេអេក្រង់
326ppi តួខ្លួនស្រោបឡើងពីលោហៈធាតុអាលុយមីញ៉ូម
ជាមួយនឹងរូបរាងថ្មីស្រឡាង ស្ដើងជាងមុន។ មិនត្រឹមតែប៉ុណ្ណោះ
iPhone 6 នឹងបំពាក់មកជាមួយបន្ទះឈីប Processor ជំនាន់ថ្មីគឺ Apple
A8 មានល្បឿនលឿនប្រភេទ 64-bit យ៉ាងណាមិញ RAM
របស់វាប្រហែលជានៅតែរក្សាទំហំ 1GB ដដែល ជាជាង 2GB
ទៅតាមអ្វីដែលយើងរំពឹងទុក។
ជាងនេះទៅទៀត Apple នៅមាន iPhone 6
មួយស៊េរីទៀតដែលមានទំហំអេក្រង់កាន់តែធំដល់ទៅ 5.5 អ៊ីញ
តែវាប្រហែលជានឹងប្រកាសចេញជាផ្លូវការក្នុងរាត្រីយប់នេះនោះទេ
យើងរំពឹងទុកថាវានឹងប្រកាសចេញលក់នៅក្នុងឆ្នាំ 2015
ដែលវាគឺជាយុទ្ធសាស្ត្រទីផ្សាររបស់ Apple ដើម្បីការពារ
ការធ្លាក់ចុះទីផ្សារដូចទៅនឹង iPhone 5c កាលពីពេលកន្លងទៅ។
សរុបសេចក្ដីមកស្មាតហ្វូនដែលយើងរំពឹងទុកនាយប់នេះគឺ iPhone 6
ហើយវានឹងមានវត្តមានចេញលក់នៅតាមហាងលក់ផលិតផល Apple
យ៉ាងយូរបំផុតថ្ងៃទី 19 ខែ កញ្ញា
រីឯស្រុកខ្មែរប្រហែលជាត្រូវរង់ចាំរយៈពេល 1
ខែក្រោយថ្ងៃចេញលក់ ទម្រាំ iPhone 6
មានវត្តមានលក់ក្នុងស្រុកខ្មែរ
យើងក៏នឹងរង់ចាំអ៊ុតតម្លៃរបស់វាមើលទាំងអស់គ្នាផងដែរ។
២.IOS 8
ប្រព័ន្ធប្រតិបត្តិការ iOS7 ត្រូវបានបញ្ចេញអោយប្រើប្រាស់កាលពីឆ្នាំ
2013 កន្លងទៅនៅពេល iPhone 5s ប្រកាសចេញជាផ្លូវការ
ចុះសម្រាប់ឆ្នាំ 2014 នេះវិញ តើ Apple
នឹងមានអ្វីខ្លះសម្រាប់យើង? ពិតណាស់គឺ iOS 8
ដែលជាប្រព័ន្ធប្រតិបត្តិការសម្រាប់ iPhone, iPad និង iPod Touch
ជំនាន់ចុងក្រោយគេបង្អស់
ដោយវាបានដាក់បន្ថែមមកជាមួយមុខងារពិសេសៗជាច្រើនមិនដូច iOS
ជំនាន់ចាស់ៗទៀតឡើយ។ ក្នុងនោះ Apple
បានបើកដៃដោយក្រុមផលិតកម្មវិធី
ឬសរសេរកូដកម្មវិធីប្រើប្រាស់កម្មវិធីជាប្រភេទ Third-party
សម្រាប់ដាក់បន្ថែម Widgets, Keyboards
និងមុខងារសំខាន់ៗផ្សេងទៀតដែលមាននៅលើប្រព័ន្ធប្រតិបត្តិការ
Android ទាំងនេះមានន័យថាអ្នកប្រើប្រាស់ iOS8
ទាំងអស់នឹងកាន់តែមានសិទ្ធិប្រើប្រាស់កម្មវិធីប្រភេទ Third-party
បានយ៉ាងសំបូរបែប។
មិនត្រឹមតែប៉ុណ្ណោះ Apple
ក៏បានបន្ថែមមកជាមួយសេវាកម្មពិសេសៗជាច្រើនផ្សេងទៀតក្នុង iOS 8 ដូចជា
HealthKit, HomeKit និង CloudKit ជាដើម
សម្រាប់ជួយទៅដល់ផ្នែកសុខភាពអ្នកប្រើប្រាស់
ក៏ដូចជាជួយទៅដល់ការភ្ជាប់ឧបករណ៍ប្រើប្រាស់នៅក្នុងផ្ទះរបស់
អ្នក
និងផ្ដល់សេវាកម្មទៅដល់ក្រុមអ្នកផលិតកម្មវិធីដោយមិនគិតប្រាក់
អ្វីទាំងអស់លើមុខងារ CloudKit។ ប៉ុន្នេះនៅមិនទាន់អស់នៅឡើយទេ
iOS 8
នៅមានមុខងារយ៉ាងសំខាន់ៗជាច្រើនទៀតដែលយប់នេះអ្នកនឹងបានដឹង
កាន់តែច្រើន និងច្បាស់បំផុត។
iOS 8 នឹងអាចដំណើរការបាននៅលើ iPhone, iPad និង iPod Touch តាមម៉ូឌែលដូចខាងក្រោម៖
- iPhone 4s, 5, 5c និង 5s
- iPad 2, 3, 4, mini, mini 2 និង Air
- iPod Touch ជំនាន់ទី 5
ដូច្នេះនៅពេល iOS 8 ប្រកាសចេញជាផ្លូវការប្រិយមិត្តអាចទាញយក
Firmware ហើយតម្លើងទៅកាន់ iOS 8 ទាំងអស់គ្នាបានដោយសេរី
មិនគិតប្រាក់ទាំងអស់។
អ្វីដែលពិសេសសម្រាប់យើងទាំងអស់គ្នានោះគឺក្រុមបំបែកកូដ Pangu បានប្រកាសថាកម្មវិធីពួកគេអាចធ្វើការ Jailbreak iOS 8 ជំនាន់ beta បានរួចរាល់ទៅហើយ ចុះសម្រាប់ iOS 8 ផ្លូវការយ៉ាងណាដែរ? យើងនឹងរង់ចាំទទួលដំណឹងល្អពីពួកគេ។
៣.Iwatch
នាឡិកាឆ្លាតរបស់ Apple
បានក្លាយទៅជាពត៌មានចចាមអារ៉ាមយ៉ាងច្រើនក្នុងពិភពអ៊ីនធឺណែត
ដែលបានចេញពត៌មានយ៉ាងច្រើនលើកច្រើនសារណាស់ទៅហើយ
បើយើងមើលទៅលើក្រុមហ៊ុន Apple
វិញបែជាមិនអើពើជុំវិញរឿងផលិតនាឡិកានេះឡើយ។ តែយើងជឿជាក់ថា
Apple
ពិតជាមានគម្រោងផលិតនាឡិកាឆ្លាតរបស់ខ្លួនយ៉ាងពិតប្រាកដមែន
ដោយសារតែមានប្រភពមួយចំនួនបានចេញផ្សាយជុំវិញនឹងរឿងផលិត iWatch
មួយនេះ។ ម្យ៉ាងវិញទៀត iOS 8
ក៏ជាធ្នាក់មួយដែលអាចបង្ហាញយើងទាំងអស់គ្នាអោយឃើញអំពីគម្រោង
ផ្សេងៗទៀតរបស់ Apple ពិសេសនាឡិកាឆ្លាត iWatch នេះតែម្ដង
នោះដោយសារតែកម្មវិធី HealtKit និង Third-party app
ដែលអាចប្រើប្រាស់ iWatch ភ្ជាប់ទៅកាន់ iPhone, iPad និង iPod Touch 5
បើពុំមានមុខងារ Third-party នោះទេមានន័យថាយើងមិនអាចភ្ជាប់
iWatch អោយស្គាល់គ្នាជាមួយ iDevice ផ្សេងទៀតឡើយ។
យ៉ាងណក៏ដោយពត៌មានជាច្រើនបានរាយការណ៍មកថា iWatch
នឹងពុំមានវត្តមានចេញលក់នៅក្នុងឆ្នាំ 2014 នេះជាមួយ iPhone 6
នោះទេ តែវានឹងបង្ហាញខ្លួនជាលើកដំបូងបំផុតនាឆ្នាំក្រោយ
វាអាចនឹងប្រកាសចេញលក់នៅពេល iPhone 6 ទំហំ 5.5
អ៊ីញបង្ហាញខ្លួនផងក៏មិនដឹង
ដូច្នេះយើងនឹងរង់ចាំមើលទាំងអស់គ្នា។ ចំនែករាត្រីយប់នេះ Apple
អាចនឹងបង្ហើបពត៌មានខ្លះជុំវិញរឿងនេះ អោយយើងបានដឹងជាបណ្ដើរៗ។
៥.Mac OS X Yosemite
Mac OS X គឺជាប្រព័ន្ធប្រតិបត្តិការផ្ទាល់ខ្លួនមួយរបស់ Apple
ដែលបានបង្កើតឡើងដោយក្រុមជំនាញសរសេរកូដរបស់ Apple
ដែលវាមានដាក់អោយប្រើប្រាស់ផ្ដាច់មុខតែនៅលើ MacBook Pro, Air និង
iMac របស់ Apple តែប៉ុណ្ណោះ។ ពីមួយជំនាន់ទៅមួយជំនាន់ Mac OS X
ត្រូវបានកែប្រែទ្រង់ទ្រាយ និងទម្រង់របៀបប្រើប្រាស់យ៉ាងច្រើន
ដែលធ្វើយ៉ាងអាចអោយវាមានសុវត្ថិភាពខ្ពស់ ងាយស្រួលប្រើប្រាស់
ដំណើរការបានរលូន ពិសេសបន្ថែមមកជាមួយមុខងារថ្មីៗជាច្រើន។
ជាក់ស្ដែង Mac OS X ជំនាន់ចុងក្រោយគេបង្អស់គឺ Maverick
តែសម្រាប់ឆ្នាំ 2014 នេះ Apple
បានប្រកាសជំនាន់ថ្មីចុងក្រោយមួយទៀតគឺ Yosemite
ស្ថិតនៅក្នុងជំនាន់ beta មកជំនួសមុខមាត់ Maverick
ដោយវាបានកែប្រែ Interface អោយកាន់តែស្រស់ស្អាតជាងមុន
និងមុខងារសំខាន់ៗជាច្រើនផ្សេងទៀតដូចជា៖
- Spotlight Search
- Messages
- iCloud in Finder
- Calls from Desktop
- Safari
មុខងារខាងលើអ្នកអាចស្វែងរកវាបាននៅក្នុង Mac OS X Maverick
តែអ្វីដែល Apple ចង់ផ្ដល់អោយអ្នកជាមួយ Yosemite គឺល្បឿន
និងភាពអស្ចារ្យក្នុងការដំណើរការកម្មវិធីខាងលើអោយទទួលបានគុណ
ភាពខ្ពស់ជាងមុខ។ ទាំងអស់នេះនៅមិនទាន់អស់នៅឡើយនោះទេ Yosemite
ក៏នៅមានមុខងារពិសេសៗជាច្រើនទៀតដែល Apple បានបង្កប់មកជាមួយ
Yosemite សម្រាប់អ្នកប្រើប្រាស់កុំព្យូទ័រ Mac របស់ Apple ទាំងអស់។
សរុបសេចក្ដីមកយើងរំពឹងទុកថា Apple នឹងប្រកាសចេញ Mac OS X
Yosemite ចេញជាផ្លូវការនារាត្រីយប់នេះ ហើយរាល់ចម្ងល់ទាំងឡាយ
នឹងត្រូវបកស្រាយជូនយើងទាំងអស់គ្នា។
No comments:
Post a Comment